كتب: أيمن إبراهيم:

مازالت البعثة المصرية التي تشارك في دورة الألعاب لذوي الاحتياجات الخاصة "البارالمبيكس" بلندن 2012 تحقق الميداليات الواحدة تلو الأخري في الألعاب المختلفة.

وتشهد المنافسات تألق كبير للاعبي ولاعبات مصر في مسابقة رفع الأثقال، حيث تمكنوا حتي الأن من تحقيق 11 ميدالية متنوعة (4 ذهبيات، 3 فضيات، 4 برونزيات)، بجانب 3 ميداليات أخري لأبطال مصر في ألعاب القوي وتنس الطاولة.

وقام أصدقاء موقع Yallakora.com  علي الصفحة الرسمية بالفيس بوك بإبراز سعادتهم الكبيرة بالإنجازات التي يحققها لاعبي ولاعبات مصر في لندن وبالأخص بعثة رفع الأثقال، ووصفهم للأبطال بأنهم "الخارقين" نظرا لتحديهم الصعاب من أجل تحقيق إنجاز لمصر وإسعاد الملايين رافضين وصفهم "بالمعاقيين".

 ويمكنكم متابعة التعليقات والمشاركة بالضغط هنا.

واليكم بعض تعليقات أصدقاء Yallakora.com عبر الفيس بوك:

Ashraf Hussein : لو كان الامر بيدي كنت اقمت احتفالات كبيرة في مصر و عملنا لكم حفلة استقبال شعبية ضخمة و كنت كرمتكم ماديا و معنويا التكريم اللائق بإنجازكم

Mahmoud Refaat Amin : مبرررووووووووووووووووووووك يا رجاله والله العظيم انتو عملتو حجات ماعملهاش ناس تانيه انتو ابطال وثقتكو في نفسيكو هي الاساس وربنا يحميكو لمصر يارب

Nermeen Elshemy : انتو ابطال مصر الحقيقين... شرفتونااااا وربنا يفرح قلبكم زي ما رفعتو اسم مصر وعليتو نشيدها الوطني في جميع الصالات

Essam Saleh II : أحسنتم .. أنت أصحاب الإرادة .. شرفتم مصر , و مصر فخورة بيكم .. أنت من تستحقون التكريم لا غيركم ..

Mimo Elmasry : انتم فعلا الابطال الحقيقيين فانتم فعلا ابطال في كل شئ (العزيمة والقوة والاصرار )فانتم صنعتم كل شى من لا شئ وانتم من شرف مصر ورفع علمها عاليا فانتم تستحقون كل شئ ترودينه وندعم جميع المسئولين على تكريمكم من جميع النواحي

Enas Essam Mostafa : شرفتونا...رفعتم راسنا...انتم مش اصحاب اعاقات انتم اصحاب قدرات خارقة...الجيل ده حيغير تعريف كلمة مستحيل بيكم....سامحونا على تقصيرنا معاكم...محتاجينكم عشان نصحح وضع المعاقين في مصر كلها...لازم يتم توفير فرص عمل حقيقية وتهيئة الشوارع والمواصلات لكل بطل زيكم وده حق مش هبة من الدولة...كل ما اشوفكم ابقى عايزة اقول ارفع راسك فوق انت مصري...ربنا يحفظكم

Karm Karm : دول شرف لينا ... ولازم مصر تفتخر بأولادها ... دول ابطال حقيقيين لازم الاعلام يركز عليهم نحن في زمن نفتقد الى القدورة وهؤلاء قدوة لابد ان يحتذى بيها الشباب

Sherif El Taeb : والله كنت جالس اتفرج عليهم ودموعي نزلة من الفرح بيهم والفرحة الكبيرة الديب ، الى بعد كل محولة يسجد شكر لله كلهم جمال وتحس بيهم وهما بيلعبو الله يمصر على ولادك تحيا مصر

عماد احمد الهوارى : انا اتشرف انى مصري لانكم رفعتم اسم وعلم مصر وخليتو العالم يشوف ابناء مصر لما يتحدو الصعاب عشان يرفعوا العلم ويسمعوا العالم كله النشيد الوطني المصري