جميع المباريات

إعلان

الفرق بين الجسم الرياضى والشكل الرياضى

الجسم

صورة ارشيفية

الجسم الرياضى والشكل الرياضى مش دايماً نفس الحاجة، مثلاً، لو انت مرنت دراعك أو بطنك بس، حيكون عندهم عضلات وشكلهم كويس، بس لو أنت ما مرنتش جسمك كله وتخلى كل جزء متناسق مع باقى أجزاء الجسم، مش حتعرف تجرى اسرع ولا تنط اعلى وكمان مش حيكون عندك تحمل، من الأخر جسمك مش حيكون رياضى بس شكله رياضى.

الفرق بين الجسم الرياضى والشكل الرياضى

الرياضيون بيعرفوا اللياقة بين الجسم اللى شكله حلو ينفع البحر والجسم اللى يخليك تعمل التمارين، وانت حر تختار بين الجسم الرياضى (اللى حيخليك تعمل التمرين) او شكلك رياضى (اللى ينفع البحر بس)، اللياقة المرئية حاجة سهله جدا ان الناس تشوفها وتحكم عليها، اما التحمل والقوة واللياقة وبتاخد وقت اد ايه علشان تتعافة بعد السيشن، الحاجات دى مش بتتحقق عن طريق اللياقة المرئية، لازم يكون جسمك رياضى علشان تحققها.

لما يجى الموضوع للتنفيذ، الأولوية الأولى للنتائج اللى انت بتحصل عليها من تنفيذ التمرين مش اللى بتشوفها فى المرايا، انت ممكن يكون جسمك رياضى بس شكله مش رياضى.

لما تشوف كل صور الشباب والبنات اللى عندهم عضلات مدهشة حوالينا فى التليفزيون والمجلات وعلى الانترنت، انت بتحس بإحباط، بس لو انت بذلت مجهود وواظبت، هو ده اللى انت محتاجه علشان يكون شكلك زيهم لمده (اللياقة المرئية)، بس دى مش حاجة حتحافظ عليها الا لو خليت اللياقة المرئية هى كل حياتك.

موديلز الرياضيين والناس اللى بيحطوا صورهم على الانترنت بيجوعوا نفسهم علشان ياخدوا كام صورة علشان يعظموا اللحظة للاجيال القادمة، علشان كده اوعى تفتكر فى لحظة ان الناس اللى فى الصور دول اللى انت بتشوفها انهم على طول بالمنظر ده او هم كده فى الحقيقة، حاول دايما تشوف الحاجة على حقيقتها، الموضوع هدف وطبعاً حاجة بتحاول فيها علشان توصلها، لازم تعرف ان الشكل الرياضى مش دايم ليك ولغيرك.

اللياقة المرئية مش دائمة، بس انت ممكن تحققها تانى خلال انضباط رهيب بس كل مرة حيصعب الموضوع وحيأثر عليك بدنياً وذهنياً، بردو اللياقة مش حتكون دائما طول ما انت مش بتستخدمها، بس عكس اللياقة المرئية، اللياقة بتكون دائمه اكتر وبتحسن وبتطول من حياتك وسهل قوى انك تحافظ عليها بالتمرين المنتظم.

كل اللى انت محتاج تعمله هو انك تتمرن بنتظام علشان يكون عندك لياقة وقوة ومؤهل، انت مش محتاج تجوع نفسك او تعد الكالوريز او ما تأكلش الأكل اللى انت بتحبه، اللياقة هى عبارة عن:

ايه اللى تقدر تعمله
حتقدر تعملها فى مده اد ايه
وحتتعافه بسرعة اد ايه قبل ما تكرره تانى
انت ممكن ما يكونش شكلك زى اللى فى المجلات بس انت عندك لياقة وحاسس بيها كمان.

فى طريقتان للياقة واحده مرئية وواحده حقيقة، مش شرط يكونوا مقتصرين على بعض مع ان دلوقتى بيكونوا احياناً كده، انت ممكن تغير اللياقة الحقيقية للياقة المرئية وترجع تانى بس ما تقدرش تغير اللياقة المرئية للياقة الحقيقية بسهولة.

علشان تبتدى فى اى نوع لياقة المفروض الأول تحدد اهدافك سواء انت عايز اللياقة تكون مؤقتة او طول حياتك، لازم تعرف انت عايز ايه من اللياقة وعلى اساسها حتتمرن صح وتحصل على النتائج اللى انت عايزها، الفرق الرئيسى بين الشكل الرياضى والجسم الرياضى بيعتمد على الاحتفاظ بالنتائج وجودة العضلات، انت ممكن تحصل على جسم رياضى على طول او لياقة مؤقته للصيف بس، القرار قرارك!

فيديو قد يعجبك:

الإحصائيات

جميع الإحصائيات

إعلان

أخبار تهمك

التعليقات

تطبيق يلا كورة

تابع الأحــداث الرياضيــة و حــمــل التطبـيق الآن