عضو إدارة الزمالك يوضح موقف "والده" من افساد صفقة زاكيري

أصدر شريف منير حسن عضو مجلس إدارة نادي الزمالك بيانا رسميا يوضح فيه موقف والدة منير حسن وكيل اللاعبين فيما يخص الاتهامات الموجه له بإفساد صفقة انضمام يانيك زاكيري مهاجم اسيك ابيدجان للقلعة البيضاء.

وكان فاستينو موكانديلا وكيل أعمال يانيك زاكيري أن منير حسن بالإضافة إلى وكيل أعمال أخر أفسدا الصفقة على النادي الأبيض.

وجاء من خلال صفحة عضو مجلس إدارة الزمالك على موقع التواصل الاجتماعي فيس بوك التالي:

"والدى وكيل لاعبين من 86 و معروف انه وكيل لاعبين مش محامى، والدى مش مستنينى اكون عضو مجلس إدارة!والدى الذى احضر إيمانويل و كوفى و كلوبالى و غيرهم و اتوفيستر و كابرال و مدرب الأحمال الحالى و بدون عمولات من نادى الزمالك!اقسم بالله لم أتدخل فى عمله مع النادى و أول موسم صفقات كنت على علم عن أسامى الاعبين الذين نقوم بالتفاوض معهم و كنت انا من اخترت على جبر و آخرين و لم أتحدث و لا اساعد والدى فى عمله و يسأل عن ذلك المحترم احمد سليمان.

والدى عرض لاعبين الموسم الماضي نجوم حاليا و آخرهم لاعب نادى الأهلى وقع معه...عيب اوى الكلام الحقير المتداول حاليا حول الاعب زاكرى.

الموضوع والدى عرض الاعب و احد الاشخاص من النادى كلم الاعب مباشرة و والدى انسحب من الموضوع....و بعد فشل الشخص فى الحصول على توقيع الاعب رمى فشله على والدى و سمعة والدى اللى هو معروف عنه مدى احترامة و حبه و أخلاصه للنادى.

يعنى والدى اتصل باللاعب و قاله أرفض النادى؟!و جواب العموله ده شى طبيعى فى عمل والدى..عرض 300 ولا 200 ولا اى حاجة على النادى الاخر اقسم بالله معرفش بس اكيد اوفر من ادفع لى وكيل 300 الف دولار لوحدة....فى ناس للأسف شايفة نفسها أكبر من الزمالك و مايعرفوش قيمة الزمالك و انا حلتزم الصمت عشان انا عارف معنى نادى الزمالك.

نصيحه فقط كمال درويش و جلال إبراهيم أعظم بطولات الجمهور فاكرهم عشان محترمين و الناس بتجيب سيرتهم بالخير مش عشان بطولة و انا اتمنى اكون ربعهم، البطوله للنادى و اللاعبين و التاريخ".