أبدى أحمد حسام "ميدو" المدير الفني السابق لنادي الزمالك استياءه من الأداء الذي ظهر به فريق القلعة البيضاء أمام صنداونز الجنوب أفريقي في اللقاء الذي جمعهما مساء أمس السبت.

وكتب ميدو عدد من التغريدات عبر موقع تويتر للتواصل الإجتماعي، حيث أكد خلالها على أن الزمالك يدفع حالياً ثمن ما أسماه بـ"الطبطبة والدلع" على من وصفهم بـ"العيال".

وقال المدير الفني السابق للزمالك: " الشناوي إصابته ايه؟ بتمنى تكون إصابة كبيرة!! مزق اقل شيء لان لو اَي حاجة اقل من المزق هزعل منه جدا!! وانا بحبه! ".

وتلقى الزمالك هزيمة كبيرة أمام صنداونز بثلاثة أهداف نظيفة في ذهاب الدور النهائي من مسابقة دوري أبطال أفريقيا.

وأكمل: " الزمالك يدفع ثمن الدلع والطبطبه على اللاعيبه اللي مش عايزه تجددله، العيال اللي الزمالك عملهم بني أدمين دلوقتي بيتنمردوا عليه!! ".

مضيفاً: " اخيراً التاريخ بيقول اللي بييجي على الزمالك مابيكسبش طول حياته، وهفكركم!! ".

واختتم: "الكلام ده مش كلام ميدو المدرب ولا ميدو المحلل ده كلام ميدو مشجع الدرجة التالتة القديمة اللي كانت في وش المقصورة تحت بِسْم الله الرحمن الرحيم ".

وسيلتقي الزمالك مع صنداونز يوم الأحد القادم على ملعب برج العرب بالأسكندرية في لقاء الإياب من الدور النهائي للبطولة الأفريقية.