أفشة: جمهور الأهلي بيدي طاقة متتوصفش.. كأنك طاير في السماء (صورة)

أعرب محمد مجدي أفشة، لاعب النادي الأهلي، عن سعادته البالغة بالتتويج بلقب دوري أبطال أفريقيا، في حضور الجماهير الغفيرة في ستاد القاهرة الدولي.

الأهلي توج بلقب دوري أبطال أفريقيا للمرة 12 في تاريخه، بفوزه على الترجي التونسي (1-0) في موقعة الإياب، مستفيدًا من التعادل السلبي في رادس.

وقال أفشة عبر ستوري إنستجرام: "مفيش كلام أقوله أكثر من الحمدلله، كرم ربنا ملوش حد، 4 بطولات أفريقيا مع الأهلي، كنت فرحان بأول بطولة وبعد الرابعة لسة بقول فيه تاني، إيه النادي الغريب ده ! إيه الجمهور الغريب ده !".

أضاف: "كل اللي كان في بالي إن يارب الناس دي تروح مبسوطة، يارب الناس جاية من الصبح في الحر والشمس، يارب أسر وأطفال وكبار وحالات إنسانية، اللي من مطروح وإسكندرية وأسوان، اللي بايت قدام الاستاد.. إيه العظمة دي".

تابع: "جمهور الأهلي بيدي طاقة متتوصفش، شعورك وأنت في ملعب مقفول كأنك طاير في السماء، الأهلي نعمة كبيرة جدًا، الأهلي هو التاريخ والمستقبل".

أتم: "شكرًا يا أهلي على السعادة والفرحة، مبروك يا رجالة، و الله يسامحك يا عارضة".

اقرأ أيضًا:

أفريقيا في قبضة الملك.. النجمة 12 بتوقيت الأهلي (فيديو)

الأهلي يضرب موعدًا مع الزمالك في كأس السوبر الأفريقي

كولر: عندما أعود للفندق الجماهير ستطالبني بالـ13

شوبير: أمان مميش أفضل حارس ببطولة أفريقيا