"اللى عايز يمشي يمشي ونلعب بالناشئين" .. قناة الزمالك تهاجم اللاعبين عقب التعادل مع دجلة

هاجمت قناة الزمالك لاعبي الفريق الأبيض على خلفية التعادل مع وادجلة دجلة متذيل الترتيب في جدول بطولة الدوري الممتاز.

وتعادل الزمالك سلبياً مع وادي دجلة في المباراة التي اقيمت مساء الأثنين على ستاد الأهلي WE السلام في إطار الاسبوع الـ 14 من الدوري الممتاز.

وقال خالد الغندور نجم الزمالك السابق : "لازم يكون فيه وقفة مع الجميع سواء لاعبين أو جهاز فني، النادي يعطي اللاعبين ملايين ومستنى المقابل لأن الكرة مش هواية".

وأضاف"الزمالك فشل في تسجيل هدف في ثلاث مباريات على التوالي واليوم اخطاء كبيرة حدثت".

وعلق فاروق جعفر المستشار الفني السابق للنادي الأبيض وقال " فيه حاجة غلط، أول مرة أشوف الزمالك يحصل على ضربة جزاء واللعيبة تعزف عن المبادرة للتسديد".

وهاجم طارق يحيى مدرب الزمالك الأسبق أداء اللاعبين وقال " نادي الزمالك أكبر من أى حد اللى عايز يمشي يمشي ونلعب بالناشئين".

وأضاف " الاهلي رحل عنه ٦٠% من قوته وكسب بطولة أفريقيا،أحنا عمالين ندلع ومافيش نتايج".

وتابع "سمعت أن اللعبة امتنعوا عن التدريب بسبب المستحقات ، ده كلام فاضى ، نادي الزمالك أكبر من أى حد ، عمرنا في حياتنا ما قولنا مش هننزل التدريب عشان محتاجين فلوس ، الزمالك خيره علينا كلنا".

وأنهى " ده عقاب من ربنا على اللى بيحصل جوه الفريق".