"الزمالك بيتي اللي اتربيت فيه".. أحمد الأحمر يوجه رسالة لجماهير الأبيض بعد رحيله

وجه أحمد الأحمر، لاعب فريق كرة اليد بنادي البنك الأهلي الحالي، والزمالك السابق، رسالة إلى جماهير الأبيض بعد ساعات قليلة من انتقاله إلى البرتقالي لتمثيله في قادم المنافسات.

نادي البنك الأهلي، كان قد أعلن تعاقده مع أحمد الأحمر قادمًا من الزمالك، لتدعيم صفوف فريق اليد خلال الموسم المقبل.

رسالة أحمد الأحمر

نشر أحمد الأحمر، لاعب فريق اليد بالبنك الأهلي، رسالة عبر خلالها عن امتنانه بالخطوة التي اتخذها بالانتقال إلى البرتقالي، قبل أن يؤكد على أن رغبته جاءت من أجل الابتعاد عن الضغوطات التي صاحبتها مؤخرًا.

وأكد الأحمر على مدى حبه وتقديره لنادي الزمالك، رغم رحيله عن القلعة البيضاء، مشيرًا إلى أنه ليس مجرد نادٍ وإنما منزل عاش وترعرع فيه.

وقال الأحمر، عبر حسابه الرسمي على موقع "انستجرام": "في البداية حابب أشكر نادي البنك الأهلي على انضمامي ليهم وثقتهم فيا وإنهم حابييين يعملوا مشروع محترم ويوصلوا لمكان أحسن وتوفير كل الإمكانيات للوصول للهدف ده".

وتابع: "أنا عجبني المشروع جدًا ويشرفني أكون جزء منه لسببين: السبب الأول إن الفريق عنده هدف إنه يكون في مكانة أحسن، والتاني إني هستمتع والعب من غير أي ضغوط من اللي مريت بيها آخر 3 سنين".

وأضاف: "لإني بحب الهاندبول جدًا وفعلًا لسه عايز أشبع منها".

وواصل: "ناس كتير مش فاهمة فحبيت أشرح ده، والموضوع بعيد برده عن الماديات، ومن غير شرح عشان دي حاجه تخصني".

وأكمل: "في النهاية نادي الزمالك ده بيتي اللي اتربيت فيه واللي باعتبر نفسي جزء منه وهو بالنسبالي كل حاجة، وعمر ما في حاجه هتأثر على شعوري ناحيه البيت اللي اتربيت فيه عمري كله".

وأتم: "نادي الزمالك طول عمره كبير وهيفضل كبير بولاده وجمهوره وكل اللي بيحبوه".