سمر حمزة بعد فشلها في التأهل للأولمبياد: أعاني من قطع في الغضروف.. وسأعود لتحقيق حلمي

فشلت بطلة المصارعة المصرية سمر حمزة، في التأهل إلى منافسات أولمبياد باريس 2024، بعد خسارتها في التصفيات الدولية المؤهلة لدورة الألعاب الأولمبية على يد دافاناسان بطلة منغوليا.

وخسرت سمر حمزة أمام بطلة منغوليا في دور الـ 16 من التصفيات الدولية بنتيجة 6-1، ثم سقطت منافستها في فخ الهزيمة أمام البلغارية يوليانا يانييفا في الدور النصف النهائي، لتفقد البطلة المصرية فرصتها في خوض أدوار الترضية.

وستغيب سمر حمزة عن المشاركة بالأولمبياد لأول مرة منذ عام 2016، حيث شاركت في نسخة ريو دي جانيرو بالبرازيل، ثم النسخة الماضية بطوكيو في اليابان.

وعلقت سمر حمزة على نهاية آمالها في التأهل لأولمبياد باريس عبر حسابها على فيس بوك، حيث كتبت: "أنا حابة أقول الحمد لله والشكر لله، لله ما أخذ وله ما أعطى، وكل شئ عنده بأجل مسمي، أسال الله أن يعينني، بقولها وبنفس راضية، لكن حابة بس أوضح لكل الناس اللي متابعني وبيحبوا سمر، أعرفكم عليا من جديد، سمر حمزه بدأت مصارعه آخر 2013، وعمري ساعتها 18 سنة يعني لعبت المصارعة في سن كبير جدا لإمكانيات لعبه عنيفه زي المصارعة".

وأضافت: "بقالي 11 سنة في اللعبة الحمد لله فضل ونعمه من ربنا إني أبقى صاحبة ميداليتين عالم وأبقى مصنفة علي العالم سنتين ورا بعض، وفضلت بطلة أفريقيا من 2014 لحد 2023 وغير إني شاركت في أولمبياد ريو وطوكيو وغير الميداليات الدولية".

وواصلت: "أحب أوضح ليكم إني بقالي سنة بتمرن وأنا عندي قطع كامل في الغضروف، واتحاملت علي نفسي ومعملتش عملية عشان مضيعش حلمي اللي بقالي 4 سنين بتمرن عشانه، وكنت بلعب وبكسب ورغم كده مطلعتش بررت شئ، عشان أنا بلعب لنفسي لذاتي مش مستنيا شئ من حد، يشاء القدر واتصاب في الترقوه قبل التاهيل، بقت الاصابات غضروف وترقوه، أنا الدكتور قالي ملعبش بس جوايا حلمي فرض عليا إني أكمل، واتمرنت قبل البطوله أسبوعين بخش اتمرن بمسكن عشان أحقق حلمي، يشاء الله بعدم التوفيق ليا".

وأكملت: "وفي حاجه تانية، حابه اوجه بس رسالة لبعض الناس انا مخدتش رزق حد ولا خدت مكان حد، انا اجتهدت وربنا جزاني مفيش حاجه اسمها خدت اكتر من حقها بلاش تقولوا كلام مش فاهمين معناه، عشان اي حاجه بتيجي لأي شخص فهو رزق من عند الله ولا انت اللي بتدي ولا الشخص اللي عطاني هو مجرد بيوصل الرزق اللي ربنا كاتبه ليك".

وأتمت: "أنا مش بقول كل الكلام ده عشان حد يتعاطف معايا، بس حبيت أوضح عشان سمر حمزة عمرها ما هتضيع حلمها، وهترتاح وهترجع وهتحقق حلمها، كنت حابه افرح وافرحكم، بس إرادة ربنا فوق كل شيء".