لو لعبت فديه مفاجأة كبيرة حاول تكون قدها أنت طويل ولو ظبط تحركات رجيلك وتوقعت خروجك فى العرضيات هتحل مشكلة دفاعية كبيرة لو ما لعبتش فدعم زميلك مطلوب وتناسي أى شىء واجب من أجل مصلحة المنتخب

لو لعبت خلي عندك ثقة فى نفسك أنت جون كويس انت طويل وقادر أنك تحل مشكلة العرضيات لو ما لعبتش ما تزعلش أنت الأصغر بين الحراس الموجودين

بلاش ثقة زيادة حاول رد فعلك يكون أسرع خلي وداعك الدولي يليق بتاريخك

محتاج أنك تهدى شوية فى التدخلات التغطية العكسية لو لعبت ظهير أيسر وخاصة قدام أوروجواي

ألعب السهل حاول تستغل سرعتك واجادتك لضربات الرأس بلاش الثقة الزائدة

ياريت تحافظ على هدوءك دايماً وتبعد عن الثقة الزائدة ما تفكرش فى أى عروض، أنت قدمت موسم كويس وإن شاء الله هتنتقل لنادي أعلي المدافع اللى كورته عالية لازم يأكد على ده بالتسجيل وأنت كورتك عالية وممكن تسجل

خليك هادي فى التدخلات وبلاش اندفاع حاول تبقى دقيق فى إرسال العرضيات للمهاجم الوحيد بلاش تفكير دلوقتى فى أي عروض

تسلح بالشراسة والجدية أكتر من كده حاول تركز أنك تسبق المهاجم فى الكرات العالية ما تخليش حد يسرقك خليك جاهز ومركز دايماً وخلي الهزار لوقته

استمتع واثبت أنك على قد الثقة فيك استخدم ذكاءك دايماً زى ما عودتنا التغطية العكسية ، التغطية العكسية ، وخاصة أمام أوروجواي

عبر عن نفسك وتطورك وبلاش تداري فى الملعب استغل سرعتك أهم ميزة فيك حاول تستغل الفرصة وترد على كل الناس المشككة

انت مدافع كويس وتقدر ترد اعتباراك وترجع نفسك فى الـ 3 ماتشات دول مش كل مرة التقهقر فى الدفاع الحل الأمثل، حاول تركيزك يبقى أعلى علي الكرة وتجهض الهجمات من البداية ركز فى الهجمات اللى بتتواجد فيها أنت قادر انك تكسبنا وتسجل بفضل طول قامتك

الوقت لسه قدامك ووجودك تاريخي ما تزعلش لو مالعبتش لو شاءت الظروف ولعبت خلي عندك ثقة فى نفسك اللعب على المضمون أهم شىء فى المشاركة الأولي لأى مدافع

أهدي بلاش تدخلات عنيفة وحافظ على اعصابك وعلى الكرة بس فى الاحتفالات بالأهداف ان شاء الله خلي بالك من زمايلك عليك براموس بقى لو واجهنا اسبانيا

العب على المرمي كتير فى وجود صلاح هتكون اهم لاعب فى انهاء الهجمات خلي بالك من الإنذرات لأن غيابك مؤثر

العب السهل، العب السهل، العب السهل اعتني بالباص وانهاء الهجمات بلاش تهتم بجمال الأداء على حساب انك تسجل

انسي كل اللى فات وركز فى مهمتك تريزيجيه محتاج منك اهتمام زي صلاح تقدر توصله الوقت اللى زى كده محتاج دماغك مش الجري الكتير

العب السهل وبلاش كعوب بلاش تهتم بجمال الأداء على حساب انك تسجل حافظ على هدوء اعصابك

العب السهل بدون مبالغة فى المراوغة التمرير دايما للأمام حاول التسديد من خارج منطقة الجزاء

التمرير للأمام أهم حاجة عندك ميزة التسديد من بعيد حاول تستغلها مشاركاتك الهجومية مؤثرة ممكن تعملها تاني زى ماتش الكاميرون

العب السهل ، بلاش استعراض انت هتبقي مهاجم حاول تستغل الفرصة حافظ على هدوء اعصابك

خلي بالك من نفسك هتبقى تحت ضغط وحاول تستغل ده لزمايلك حافظ على اعصابك دايما ، هتتعرض للعنف أنت القائد الحقيقي جوه الملعب، مارس الدور ده

بلاش ترهق نفسك بالجري الكتير داخل منطقة الجزاء ركز، حاول تستغل الفرص اللى بتجيلك بلاش اصرار على التسجيل وحاول تلعب على المضمون

عندك القدرة انك تسجل، حاول على المرمي بلاش حرصك على الواجب الدفاعي يخليك تنسي الهجوم خليك واثق فى نفسك أنت من أهم لعيبة المنتخب حاليا