فاصل شبكة

بتعرف تسويق ؟ حكاية من قلب المبني

فودافون اخدت حقوق الرعاية من صلة وبقي راعي رئيسي للاهلي ..

الاجتماع الاسبوعي

المدير ..تعالوا نعمل حملة ترويجية عشان نستغل الحدث ده فنعمل ايه ..رسائل للمشتركين جميعا عشان يتابعوا ناديهم مع عبارات براقة عشان تشد الناس

يا افندم ..بس الزملكاوية ممكن يزعلوا

يزعلوا ليه ..احنا بنبعت عروض كتير وببساطة يتجاهلوه ..لكن دي فرصة خصوصا اننا رجعنا تاني للاهلي

الحق يا افندم .. بعض الاعلاميين عاملين حملة علينا والزملكاوية بيقولوا انهم هيخرجوا من الشركة

ايه ده بجد .. هايل جدا يعني الناس كلها بتتكلم عن الحملة الاهلاوية والزملكاوية .. يا ( فلان ) شوفلي كده كلمة فودافون بتتردد اد ايه

فلان .. واصلين لمراتب عليا جدا في وسائل التواصل مفيش حد مبيجبش اسم الشركة

المدير .. يا (علان ) حجم اللي احنا كنا مستهدفينهم اد ايه ..يعني كام الف واحد كان هيشترك

(علان ) مش كتير اوي يا افندم حضرتك عارف ان وسائل التواصل والصفحات المواقع بيوصلوا اسرع للناس ..بس المفاجاة ان العدد بييزيد بشكل غريب

المدير ..يا( فلان ) تفتكر ممكن ناس كتير تخرج

فلان ..يا افندم حضرتك عارف التكلفة الحدية احنا دلوقت في مرحلة جني ارباح واي احد منهم خرج وراح شركة تانية برضه هيدفع لو اتصل علي اي رقم لفودافون

علان .. مش بس كده يا افندم ..احنا شعب عاطفي وممكن ادام نرجع الناس دي للشركة تاني باي عرض جديد ..امال احنا ليه بنعمل عرض لو شريحتك ضاعت او اتكسرت او موقفها

فلان يتدخل .. طب هو عدد اللي انسحبوا كام

علان .. لحد دلوقت مفيش ارقام رسمية بس انت تصدق ان الناس اللي بتتكلم عن المقاطعة للدنمارك ولامريكا وبيرجعوا تاني مش هيرجعوا للشبكة

المدير ..مش بس كده احنا ممكن كمان شوية ندخل علي الزمالك نفسه ونجيب حقوق ليه وبكده هيرجعوا تاني.

اجتماع هايل يا شباب ..انسوا الاهلي والزمالك ..هاه .. ايه الفكرة الجاية

***
لو انت شغال في مجال التسويق وعارف يعني ايه مفيش حاجة اسمها دعاية سلبية.

لو انت درست تسويق وعارف يعني مرحلة جني ارباح وانك عديت التكلفة الحدية.

اهلا بتعليقك علي الموضوع ( بعيدا عن تعصب من فلان وسخرية من علان).