ناشيء الإسماعيلي يناشد الكومي بتحمل النادي لتكاليف علاجه من الصليبي

ناشد مهند على نجم فريق الإسماعيلي 2001 يحيي الكومي رئيس النادي الاصفر بتحمل النادي لتكاليف علاجه بعد إصابته بقطع في الرباط الصليبي.

وتعرض مهند الذي يلعب في خط الوسط للإصابة بقطع في الرباط الصليبي في مواجهة الزمالك التي أقيمت في الـ 25 من ديسمبر الماضي في دوري الجمهورية.

وكتب مهند عبر حسابه الشخصي على موقع التواصل الإجتماعي فيس بوك "أنا بلعب في الاسماعيلي من وأنا عندي 7 سنين وواخد أتنين دوري منطقة وقطاعات مع الإسماعيلي ووالدي متوفي من خمس سنين وبشتغل وبصرف علي نفسي من أربع سنين وبروح النادي وفي تالتة كلية تجاره والحمد لله".

وأضاف "كنت مع النادي كان عندنا ماتش في الدوري مع الزمالك واتصابت برباط صليبي من شهر ونص وأكتر وأنا دلوقتي مش عارف أروح الشغل ولا أروح التمرين ولا أمارس حياتي حتي الامتحانات بروحها بعكاز".

وأنهى " أنا مش عارف أعمل ايه وبناشد البشمهندس يحيى الكومي أنه يصرفلي شيك العملية اللي هو ده أقل حقوقي أنا مفيش حد بيتواصل معايا من النادي أنا كلمت كذا مسؤول بيقولوا هنعمل ومفيش حاجة بتحصل أنا المفروض ابن النادي ".

وتولي الكومي رئاسة النادي الإسماعيلي في الأول من نوفمبر الماضي خلفاً لإبراهيم عثمان.