أسطورة وتاريخ كبير.. رسائل مؤثرة من لاعبي الأهلي لتريزيجيه بعد "بيان الخروج"

حرص عدد كبير من لاعبي الفريق الأول بالنادي الأهلي على توجيه رسائل لمحمود حسن تريزيجيه، نجم الفريق الأول، الذي غادر صفوف الأحمر، بعد موسم واحد من عودته إلى نادي نشأته.

وأعلن النادي الأهلي مساء أمس، الثلاثاء، عن انتهاء التعاقد مع محمود حسن تريزيجيه، لاعب الفريق الأول، وذلك في ضوء مناقشات ومشاورات ودية وتسوية مالية.

ووجه الأهلي الشكر إلى تريزيجيه عن الفترة الماضية التي بذل فيها كل الجهد للمساهمة مع زملائه لتحقيق أفضل النتائج على كل المستويات.

من جهته، أكد تريزيجيه على شكره الكامل للأهلي ومجلس إدارته، لما لاقاه من اهتمام وتقدير، كما عبر عن امتنانه وحبه لجماهير الأهلي الوفية التي يعتز بها ويدين لها بالكثير من الدعم والمساندة طوال مشواره الكروي.

ويستعرض موقع "يلا كورة" الرسائل التي بعث بها لاعبو الأهلي لتريزيجيه عبر صفحاتهم الرسمية على موقع انستجرام، بعد بيان الأحمر الرسمي.

أحمد سيد زيزو

"هتفضل طول عمرك في مكانتك الكبيرة، كلاعب وكإنسان.. طول عمرك مثال للاعب اللي بيتقي ربنا في شغله، وفي تعامله، وفي كل خطوة بيخطيها وده عمره ما بيضيع عند ربنا

علشان كده هيفضل يرزقك ويفتحلك الأبواب، ويكتبلك دايما اللي فيه الخير والأفضل، كل التوفيق ليك يا حبيب قلبي".

مصطفى شوبير

"تاريخ كبير يا تريزيجيه، وشرف ليا ولأي حد أنه يزاملك طول عمرك.. أنت مثل أعلى لينا كلنا وبالتوفيق ليك علشان أنت لاعب كبير وقبل كده أنت شخصية محترمة".

طاهر محمد طاهر

"ليس مجرد زميل، بل أسطورة، وصديق، وأخ.. سنفتقدك يا ​​أخي.. نتمنى لك كل التوفيق في المستقبل".

محمد مجدي أفشة

"يا حودة يا حبيبي هتوحشني جدًا والله، ربنا يكرك في أي مكان ياخويا".

محمد هاني

"كنت أتمنى نلعب مع بعض فترة أطول من كده.. كانت سنة صعبة بس أنت عملت كل اللي تقدر عليه ومبخلتش بنقطة عرق لحد النهاية.. كل التوفيق ليك يا حبيبي في الخطوة القادمة".

أشرف بن شرقي

"هتوحشني يا أنضف شخص قابلته.. ربنا يوفقك يارب".

عمرو الجزار

"مبسوط جدًا إني أتعاملت مع شخصية وتاريخ كبير.. ربنا يوفقك في اللي جاي يا حبيبي.. أشوفك على خير يا تاريخ".

عمر سيد معوض

"أنا فخور بأنني لعبتُ إلى جانبك في وقتٍ ما.. بالتوفيق يا أخي الكبير، ستظل أسطورةً خالدة".

أحمد نبيل كوكا

"فخور إن لعبت مع لاعيب شخصية جميلة برة الملعب قبل جوة الملعب.. أسطورة وتاريخ الواحد يتعلم منك ومن التزامك في شغلك وفي حياتك.. بالتوفيق في اللي جاي يا حودة".

هادي رياض

"الكابتن محمود حسن تريزيجيه، شكرًا على كل حاجة ساعدتني بيها خلال الفترة الأخيرة.. نموذج للاحترام والاحترافية.. شرف كبير إني كنت زميلك في أوضة اللبس، والملعب.. كل التوفيق والنجاح في اللي جاي.. شكرًا".

أحمد عيد

"هتوحشني يا تريزي.. بالتوفيق في اللي جاي، وأشوفك مكسر الدنيا دائمًا".