8 نصائح "تدريبية" للحصول على عضلات "أكبر"

أنت يا فورما عايز تزود من قوتك ومن حجم عضلاتك، يبقي محتاج تروح الجيم اكتر من مرة، علشان كده لازم تزود عدد ايام التدريب من 4-5 أيام فى الأسبوع، وكل مرة تروح فيها الجيم اتمرن لمده ساعة بس مش اكتر علشان تدى فرصة لجسمك انه يستعيد نشاطه.

- نوّع من قوة التدريب

علشان تحصل على عضلات اكتر، انت محتاج تنوّع من عدد المجموعات (Set) والمرات (rep)، من 8-12 مرة بتكون فعالة للحصول على عضلات، بس حاول تقلل من عدد المرات لمده 4 أسابيع وبعدين تزود عدد المرات علشان تزود من تحملك وتبنى عضلات اكتر.

- ركز على الـlifts التقيلة

التمارين المركبة زى تمرينة الـsquats وتمرينة الـdeadlifts وتمرينة الـoverhead presses وتمرينة الـpull ups بتمرن عضلات كتير فى نفس الوقت وبالتالى تبنى عضلات اكتر، زى ما قولنا كل ما الوزن يزيد كل ما تحصل على عضلات اكتر.

- اعمل التمارين اللى بتركز على عضلة معينة

تمارين زى تمرينة الـbiceps curls او تمرينة الـcalf raises ممكن تزود عضلات فى المنطقة المخصصه بس وممكن تتعافى منهم بسرعة عن تمارين المركبة مع الوزن التقيل زى تمرينة الـsquats وتمرينة الـdeadlift.

- نام واسترخي يا فورما

بعد التدريب، انت محتاج تستريح علشان تدى جسمك فرصة انه يتعافى وتحصل على عضلات اكبر، انت محتاج تنام 8-9 ساعات بالليل وتحاول تقلل من الضغوط النفسية على قد ما تقدر.

- خد supplements

الـsupplements مش اجبارى على كل الفورم، بس بتحسن من جودة التمرين وتساعدك على بنى العضلات وتدى فرصه لجسمك انه يتعافى، supplements زى الـcreatine وزيت السمك وفيتامينات منوعة ممكن تشرب shakes حتساعد على التدريب.

- ألتزم بالبرنامج يا فورما

مهم اقوى انك تلتزم ببرنامج التدريب مده كافية علشان تحصل على نتيجة وتدى فرصة ان جسمك يقوى، بس فى نفس الوقت ما تعملش نفس البرنامج مده طويلة حاول تغيره على فترات علشان يحفز ويكبر العضلات.

- دور على أماكن مشجعة تدرب فيها

لازم تدور على مكان مناسب للتدريب ويكون المكان ده مليان بفورم بيتمرنوا جامد علشان تعمل زيهم.

- كتر من أكل البروتين

العضلات تساوى بروتين، وعلشان كده المفروض تأكل واحد جرام من البروتين لكل باوند من وزنك يومياً.